HERRI BAT, SELEKZIO BAT

Zer da ESAIT?
ESAIT (Euskal selekzioaren Aldeko Iritzi Taldea) nazionala, irekia, partehartzailea eta euskalduna da, eta bere helburu nagusia, nazioarteko txapelketetan aritzeko, Euskal Herriko selekzioaren ofizialtasuna lortzea da.

Taldea, 1995ko udazkenean sortu zen eta lehen agerpen publikoa, Donostiako Kirol Etxean, 1996.eko ekainaren 25ean egin zuen. Hitzaldia, euskal selekzioaren gaia jorratzeko antolatu zen eta bertan, euskal hedabideetako hainbat kazetari izan ziren.

Geroztik Euskal Selekzioaren aldeko iritzia sortzen eta lantzen eman dugu era guztietako ekitaldiak antolatuz (hitzaldiak, jokoan jai-Euskal Selekzioren egunak, agerpen aldarrikatzaileak, ...). Bestalde, Eusko Jaurlaritzarekin, alderdiekin, federazioekin, kirol alkarteekin, kirolariekin eta gai honen inguruan ari diren talde
eta plataformekin harreman lana ere burutu dugu.

EUSKAL SELEKZIOAREN ALDEKO MANIFESTUA

1.- Gaur egun gure herriari, Euskal Herriari, ez zaio aitortzen Selekzio propioa izateko duen eskubide kolektiboa. Horren ondorioz, euskal kirolariok nazioarteko txapelketa ofizialetan ezin dugu parte hartu geure ikurrinaren koloreekin. Disziplina federatiboa dela eta, derrigortuta gaude txapelketa horietan parte hartzekotan gure herriak bereak sentitzen ez dituen koloreekin eta gure etsaiak diren Espainia eta Frantziako Estatuak ordezkatzea 2. Guk, kirolariak garenez, gure nazioaren koloreekin eta gure ereserkiaren doinuenpean lehiatu nahi dugula aitortzen dugu. Beraz, Euskal Selekzioak nazioartean eta txapelketa ofizialetan parte hartzeko duen eskubidea aldarrikatzen dugu. 3. Gure konpromezua oro har euskal gizarteari zuzenduta dagoenez, aldarrikapen honekin bat egin dezala eskatzen diogu. Gure aldetik saiatuko gara, egun ametsa besterik ez dena, ahalik eta azkarren, errealitate bihurtzen. GORA EUSKAL HERRIKO SELEKZIOA!. Euskal Herriko Kirolariak. Euskal Kirolariak

Bitartekoak:
Helburu nagusia Euskal Selekzioa nazioarteko txapelketa ofizialetan ikustea bada ere, badaude beste bitarteko batzuk hori lortzeko lagungarriak direnak eta era berean euskal nazioaren identitate propioa aldarrikatzeko oso baliagarriak direnak, esatebaterako:

Euskal Herriko Federazioak batuko dituen Kirol Instituzio Nazionala sortzea.

Euskal lizentziaren ofizialtasuna lortzea.

Euskal Komite Olinpikoa sortzea

Euskal Herriko Ligak eta Txapelketa ofizialak kirol mota eta maila guztietan antolatzea.

Ante la prohibición de la selección vasca, Fernando Amorebieta se decanta por Venezuela antes que por España Circo y objetivos .Esait insiste en que la manifestación de Gasteiz no va "contra nada", sino "a favor" de las selecciones vascas